Te Whakakaha i te Pūnaha Ture Taihara mō ngā Pārurenga

Closes 1 Mar 2019

Opened 4 Feb 2019

Overview

Mēnā kei te noho mōrea koe, me waea ki 111 ka pātai mō ngā Pirihimana.

Putanga tere - haere ki te paetukutuku a Stuff.co.nz

Rapu kōrero me pēhea te huna i ō mahuetanga tuihono


E whakarite ana a Hāpaitia te Oranga Tangata ko te hunga i whai pānga ki ngā mahi taihara kei te iho o ngā whakahoutanga o te pūnaha ture taihara.

He whai wāhitanga tēnei rangahau mōu ki te kōrero mai i ō whakaaro, ngā mea kei te mahi, karekau hoki, ā, me pēhea te whakatika.

Ka hunaia ngā ingoa mō tēnei rangahau?

He tūao, he matatapu te whai wāhi mai ki tēnei rangahau. Kāore he pātai mō tō ingoa, ō taipitopito whaiaro rānei.

Kaua rawa e whakaingoa, tautuhi rānei i ētahi atu – kāore e taea te tuku whakautu mō ngā kēhi kei mua i te kōti me ngā mōhiohio, taipitopito rānei e mōhiotia ai he tangata, ki te pērā ka mukua.

Ko wai ka āhei ki te whakauru mai?

Kei te hiahia mātau i ngā whakaaro mai i te hunga i raru i tētahi taihara, e mōhio ana rānei ki tētahi tangata i raruraru nā te taihara, me te hunga e tautoko ana i ngā pārurenga/mōrehu rānei.

Ka ahatia aku whakautu?

Ka whakarāpopototia ngā mōhiohio ka tangohia mai i te rangahau, ā, ka whakamahia hei whāngai ki te kaupapa Hāpaitia te Oranga Tangata me te tohutohu i te Kāwanatanga mō te whakapai ake i te pūnaha mā ngā pārurenga/mōrehu.

Ka aha mēnā kei te hiahia āwhina ahau, te kōrero rānei ki tētahi?

Mēnā e hiahia tautoko ana koe, āwhina rānei ahakoa te wā, he maha ngā ratonga tautoko hei āwhina i a koe. Me whakapā atu ki te kaituku ratonga hāngai kei te whārangi whakamutunga o te rangahau, te paetukutuku a Victim Information rānei.

English

We also have an English version of this survey:

Strengthening the Criminal Justice System for Victims

Tukuna mai ō whakaaro

Audiences

  • Te hunga i whai pānga ki tētahi taihara

Interests

  • Te pūnaha ture taihara